Bam duh ka ding ia ki iing, julor T.12 lak

Nongstoiñ, 12 Rymphang:
Ha ka janmiet jong ka sngi Thohdieng, ki ar tylli ki iing ki la iing khong khait hadien ba ka ding kaba klang ka la ioh ban bamduh noh ia kitei ki iing ha ryngkat ki jingdon jingem baroh kiba don ha kitei ki iing.
Kitei ki ar tylli kiba la iing khong ki dei jong I Kong Rialtina Lyngkhoi bad jong I Kong Youxfullin Lyngkhoi kiba dei na ka shnong Mawlumnginiong.
Katkum ka tyllong khubor bala ioh lum da u nongthoh khubor la ong ba katei ka jingjia ka la jia ha kapor kumba 7 baje janmiet ha ka shnong Mawlumnginiong, West Khasi Hills District bad ia ka daw jong katei ka jingjia ym shym pat la lah satia ban tip, ha kano ka rukom ba kitei ki ar tylli ki iing ki la kem ding kynsan kynsan.
Shuh shuh katkum ka jingioh lum jingtip na ki pulit pynlip ding la ong ba ka jingjulor, ha katei ka jingjia kala kot shaduh 12 lak 56 hajar eiei, hynrei donbok pat ba ha katei ka jingjia kam shym la don kano kano ka jingjia ba sngewsih.