Kem ki pulit ia uba leh beijot

Nongstoiñ, 10 Rymphang:
Ki pulit ka Nongstoin mynta ka sngi, ki la ioh ban kem noh ia u wei u runar u ba la don kti ban leh beijot ia kawei ka khynnah rit kaba na ka shnong Mawsngapwir.
Katkum ka tyllong khubor bala ioh lum na ki pulit ka Nongstoin la ong ba katei ka jingjia kala jia naduh u bnai Nohprah jong u snem bala lah, bad hadien ba ki pulit kila iai bteng ban pynlong ia ka jingthwet kaba jur kila ioh ban kem noh ia u tei u runar.
Shuh shuh ka khubor na ki pulit ka iathuh ruh ba ia utei u runar la tip kyrteng kum u Trimbor Kharbani 23 snem ka arta na ka shnong Mawsngapwir bad kila iathuh ruh ba nalor katei ka kam leh beijot u tei u runar u la don kti ruh ha kiba bun ki kam sniew kam tuh bad kiwei kiwei.
Na ka liang jong ki pulit kila register case pyrshah ia u tei u runar C/NO 109 (12) U/S 3(a)/4 POCSO Act.