Bitar sa ka CSWO, ia ka Juliana

Shillong, 1 Nailar:
Ka seng CSWO hapoh ka jingialam ka Kong Irene Hujon ryngkat ki dkhot baroh, ka pynrem jur ia ka jingkren ka Srimati Juliana Kurbah ha ka ZEE TV ha ka 28 tarik Naitung, ka nong Marbisu ka bym shong bym sah shuh ha ka Bri u Hynniewtrep bad ka bym tip shuh ia ki riti synshar ne ka rukom im jong u khun Khasi Khara.
“Kumno ka nud ban ang bad thad ia u shynrang Khasi uba ngi, ngi khein ba u dei u RISHOT uba skhem tam, ym tang ha iing ha sem, hynrei khamtam eh ha ki kam bishar khadar, la ha shnong ha thaw ne wat ha ka jylla hi baroh kawei”.
Lada u shynrang Khasi u saitjain, u pynsum khun, shet ja bad u bah khun kumba ong ma ka, hato, ka Smti Juliana Kurbah ka don por ne em ban wan khmih (ne enquiry) ba mano ba shong khet ha ki ophis jong ki Hima Dorbar Syiem bapher bapher bad ha Secretariat ruh kumjuh. “Ngi sngew ban ong ba ka Smti Juliana Kurbah, kaba la shah thied duh ha u mynder, kam tip shuh wat ia ka burom jong u kpa, u kni ne u hynmen ruh. Ka rukom kren jong ka, ym tang ba ka ktah ia ka ri bad ka jaitbynriew, hynrei ia ka hi shimet”.
Ki kyntien kiba ka Smti Juliana Kurbah, ka briew kaba la shah thied ha u mynder (u Mehta, kumno ka nud ban pynpoh ia ka longrynieng jong u shynrang Khasi.
“Ngim dei hi ruh ba ngin pynlut wat tang shi tyngka ruh ban vote ia ka” ong ka kyrwoh jong ka CSWO. La pynsngew ruh ba ka seng KSU ka seng kaba radbah ha ka Bri u Hynniewtrep kam dei ban mab ia kane ka briew kaba lah dep thad ha ban da hun ia ka ijot, ka burom jong u shynrang Khasi.