Shah thang ka skul ha Garo

Shillong, 10 Rymphang:
Ki runar ki bym lah ban tip ki la thang ia ka skul Jana Priya Higer Secondary School kaba don ha Bholarbitha ha ki thaiñ Chibinang. Katei ka jingjia ka la jia ha ka por 2:30 baje mynstep. Ka la don ka jingantad ba ki runar ki la rung hapoh katei ka skul ban wad ia ki kot ki sla kiba donkam, hynrei kim lap eiei satia bad kumta ki la thang dusmon noh ia ka skul.La iathuh ba ha katei ka jingjia ki runar ki la thang ia ki lai tylli ki kamra bad kawei ka kamra jong ki khynnah klas X. La pynthikna ba ka dei ka jingshah thang namar ba kate ka skul ka dei ka bym don bording ilektrik bad ym don ba shong basah hangtei.