Wan buh khyrdop ka Assam shapoh Meghalaya ha Khanduli

Jowai, 6 Rymphang:
Hynnin ka sngi, ka sorkar Assam lyngba ka tnad Forest bad Police Assam ki la wanban buh ia ka khyrdop jong ka hapoh u pud u sam ka Meghalaya, ha Khanduli ha jan ka Meghalaya Police Battalion Camp.
Kane ka jingthmu ka sorkar Assam ka la sdang naduh kine ki khyndiat sngi, hynrei la pynsangeh da ki paidbah nongshong shnong, hynrei hynnin ka sngi pat ki la wan ha ryngkat ka kynhun pulit Assam ban trei ia katei ka khyrdop haduh shiteng sngi.
Ki paidbah na katei ka thain ki la pyntip ia kane sha u DC ka WJH Hills ha kaba u DC ka WJH u la phah hiar da u Magistor CS Laloo uba dei ruh u ADC ka WJH ha kaba u la ioh ban iakren bad u heh jong ka West Karbi Anglong District bad hadien ka jingiakren ki la sangeh noh.
Hynrei mynta ka sngi pat, ka kynhun ki pulit Assam ki la wan biang sha katei ka jaka ban pynlong ia ka jingkhynra ia ki kali naphang kiba iaid lynti lyngba katei ka jaka.