Plie U MR ia ka Block Sohiong

Shillong, 23 Rymphang:
U myntri rangbah ka jylla u Dr.Mukul Sangma mynta ka sngi u la plie paidbah ia ka Sohiong C & RD Block ha Sohiong ha ryngkat ka jingdonlang u myntri ka tnad C & RD u Sniawbhalang Dhar bad u la plie ruh ia u mawnongrim ban tei ia ka Sohiong Rural Market ha Sohiong Market.
U myntri rangbah u la aiti ruh ia ka work order lyngba ka skhim 100 sngi ne ka MNREGA sha ki VEC jong saw tylli ki shnong kum ka dak ka jingplie ia ka jingtreikam ka Sohiong Block.
U la kren ruh ia ka jingkloi ka North Eastern Council (NEC) ban bei tyngka na ka bynta ka Rural Market ha Sohiong kaba T.11.50 klur tyngka bad ia kane yn bei da ka NEC T.10.35 klur tyngka bad ia katei ka jingtei yn pyndep noh hapoh u risaw 2019.
Kiwei pat kiba la kren ki long u MLA ka Sohiong uba dei ruh u myntri ka tnad pohing u bah H D R Lyngdoh uba la pyniaid ruh ia ka jingialang, u myntri C & RD u Sniawbhalang Dhar, Kennedy Khyriem, MLA, Mawphlang, Secretary, NEC, Ram Muivah, Deputy Commissioner, East Khasi Hills, P S Dkhar, Sirdar, Marbisu Sirdarship , Syiem Hima Nongspung, Syiem, Hima Mylliem bad u Lyngdoh, Sohiong Lyngdohship.