Ngam  nang ban kren, nga nang pat ban trei: MLA Umroi

Nongpoh, 1 Rymphang:
“Baroh baroh kiba la kren shakhmat ki kren da ka phareng, hynrei khnang ba phin ia sngewthuh bha bad shai ngan kren noh da ka Khasi” la ong u Ma Ngaitlang Dhar, ha ka jingialang plie C&RD Block thymmai mynta ka sngi ha Lumdaitkhla, Ri Bhoi District. Mar sien iohsngew ia katei ka jingong u Ma Ngaitlang Dhar MLA ka Umroi Constituency, baroh ki paidbah kiba la don ha katei ka jingialang ki la iarkhie bad haba u Nongthohkhubor ula pyrshang ban kylli kaei ka daw kaba la pynlong ia ki ba kin rkhie, ha kaba ki la jubab ba ki sngewiahap eh ia ka jingong u Ma Ngaitlang Dhar.
“Ha kine ki sngi haba don kino kino ki jingialang heh, khamniar ban don kiba kren da ka ktien Khasi, hynrei kum ki nongkyndong ngim sngewthuh lait tang da ka ktien Khasi bad kumta kaei kaba la ong da u Ma Ngaitlang Dhar la sngewdei ka jingiaroh” ong uwei na ki riew tymmen, uba la ong shuh shuh “Ngi donbok shibun ba ngi la ioh da une u MLA, ha kaba ka kam ka kren kham jam ban ia ka ktien, namar ba um ju kham put turoi ialade, hynrei u pyni pat da ki kam bad halor kane baroh ki briew ki la sakhi, ba naduh ba u Ma Ngaitlang Dhar u la long kum u Nongmihkhmat ha kane ka thain, ka la wanrah ia shibun ki jingkyylla bad khamtam eh haba iadei bad ki surok, namar jan man la ka dong ki la ioh surok rong” u la bynrap.