Kurup tiar siat ki BSF bad ki mar tuh ba T.1.24 klur

Shillong, 31’lyngkot:
Ki shipai BSF ki la lap ia ki tiar siat bad ki kuli na Borsora na ka jaka kaba don ha khappud bad ka Bangladesh, ia katei ki la lap hadien ba ki nongap pahara jong katei ka tnad shipai ki la ipher ia ka jingiphylla katei ka jaka kaba ba nda ki maw bad sop da ki phlang bad hadien ba ki la leit ban kyndang ia katei ka jaka ki lap pynban ba ki don lai tylli ki pistol kiba shna hi kiba don 11 kuli, nangta la lap sa ia ki riam shipai.
Kitei ki tiar ki ki runar ba na Bangladesh kiba la tip kyrteng kum u Rashid ba sah ha ka shnong Burbaktela, Sujan ha ka shnong Telagaon, u Piyush ba sah ha ka shnong Banglabita bad u Appu Akbar Ali uba sah ha Khanjoy Indi amynta u sah ha Telagaon ha Bangladesh kiba trei bad u Markos u dkhot barim ka ANVC na ka shnong Rajai, ki dei kiba la donkti ha kiba bun ki kam pyntriem ha Rajaju, Khanjoy, Nongkhalam, Ansur, Nangjori, Amar Singh, Kolagaon bad ha kiwei pat ki jaka ba don dewiong ha ka thain South West Khasi hills bad ki ju buhrieh ruh ia ki riam ki beit bad ki tiar jong ki hapoh ki jaka ba hap ha India bad haba ki la dep ban leh ia ki kam pyntriem ki ju kylliang noh ia ki jain jong ki bad ki leh kum ki nongbylla ha ka por ba ki jam na shilliang sha shilliang pud. Ki shipai BSF ki la ioh kurup ruh 399 tylli ki masi, 465 cft ki dieng, 2738 bilor ka kyiad, 6 tylli ki lieng, 114 bilor ki phensedyl, Gecko 3 tylli bad kiwei pat ki mar be-aiñ kiba shongdor T.1.24 klur tyngka kiba thmu ban pyniaid tuh sha Bangladesh bad katei ka dei ha ki 174 tylli ki jingjia.