U Bah Pyniaidsuk, u Lyngdoh ka Kur Lyngdoh Pyngrope

Shillong, 30 ’lyngkot:
Ka Kur Lyngdoh Pyngrope ha ka jingialang kaba long ha ka 28 tarik mynta u bnai ka la ioh ban pynskhem ia u Bah S. Pyniaidsuk Lyngdoh kum u Lyngdoh uba thymmai jong ka Kur Lyngdoh ban mih pli ha ka jaka u Lyngdoh Phrikshon, uba la khladnoh. Ha kane ka sngi, la pyniaid  ia ka jingiang da u Bah Chamberlain Lyngdoh, u President jong ka Kur. La ioh ruh ka jingkren lyngkot na u Geneneral Secretary ka KurLyngdoh, Bah Bhalang Lyngdoh ia ka tynrai long Kur long Jait ka Kur Pyngrope naduh ba sdang haduh  kine ki sngi.
Ki Bakhraw ka Raid Nongkrem ki la pdiang da kaba sngew bha ia une u Lyngdoh ba la jied da ka Kur bad  la pynspong da ka Khur bad pynkup ruh da ka Ryndia, kum ka dak jong ka jingpynskhem, ha ryngkat  ki kyntien kyrkhu kyrdoh. Ki Bakhraw ka Raid Nongkrem ki la pynsngew ruh ba kin pynithuh pat ia u ha kaDorbar U Syiem ka Hima Khyrim.
U Paiem, Dr. Balajied Sing Syiem, Syiem Rangbah ka Hima Khyrim, u la ai kyntien kyrkhu kyrdoh bad ka jingmynjur ia ka jingpynskhem ki Bakhraw ban pdiang sha ka Dorbar Hima kum u Lyngdoh bathymmai jong ka KurLyngdoh. Kane ka long ka kyrwoh na u Bah C. Lyngdoh Pyngrope bad bah B.Lyngdoh Pynrope u President bad Genl. Secretary.