Na ka phiah constituency, 1 Nailar khot U Bah HDR ia ki 3 CEM

Shillong, 30 Naitung:
U Myntri ka tnad District Council Affairs ka jylla u Bah HDR Lyngdoh u la khot ia ka jingialang jong ki lai ngut ki Chief Executive Member (CEM) jong ki Autonomous District Councils (ADCs) ban iakren ia ka jingthung ia ka Delimitation Commission (DC) ban pynduh bad ban pynkha thymmai ia ki MDC constituency.
“Nga la buh ia ka jingialang ban iakren ia kane ka kam ha ka 1 tarik Nailar,” la ong u Bah HDR Lyngdoh hynne ka sngi Hatmajai.
U la ong ba la don kam ban pynduh ia ki MDC constituency bad ban bud katkum ka MLA constituency.
“Ngi kwah ba ki MDC constituency kin long kumjuh kumba long ki MLA constituency,” la ong u myntri ka tnad DCA.
Ha kajuh ka por, ka sorkar jylla ka la thmu ban pynjlan ia ka por jong ki MDC ba mynta lada ym lah ban pyntreikam ia ka elekshon MDC da ki constituency ba thymmai.
Ka thymmei khubor ka iathuh ba ia ka elekshon MDC lah ban pynkham slem khnang ban pynurlong ia ka elekshon da ka constituency ba thymmai.