Byrngem pynjur shahthngan namar u DC

Shillong, 25’lyngkot:
Ka Meghalaya People United Forum (MPUF) ka la byrngem ba kan nang pynjur ia ka jingiakhih lada ka sorkar kam weng noh ia ka hukum ban pynkynriah kam ia u Deputy Commissioner jong ka West Jaintia Hills District u Arunkumar Khembhavi, ong u Hamwere Bhoi president ka MPUF, Laskein Unit.
Katei ka seng ka la shong shah thngan mynta la 3 sngi ban pyrshah ia ka ra ika sorkar ban pynkynriah kam ia utei u DC.
Ka jingdawa katei ka seng ban pynneh ia u DC ka dei namar ba ka la ong ba u lah ban ai jingshakri kham bha ia ki paidbah kum ka jingpynioh ia ka skhim Kiang Nangbah College kaba ar klur tyngka na ka sorkar pdeng, ia kaba ki MLA kim lah ban leh, ka Jowai By Pass kaba la dep ban pyndep bad ki don bun ki kam pynroi ha ka District kaba u ne u DC u la leh ia kaba ki MLA kim lah ban leh,ong ki nongialam katei ka seng.
Ka la dawa ruh halor ka nongrim ba ka samoi treikam jong u kam pat kut bad ka dang don sa hynriew bnai.