Mana ka Shnong Mukhla Shohshrieh

Jowai, 30 Naitung:
Ha ka kyrwoh ba la phah da u Rangbah Shnong ka Mukhla Shoh shrieh la iathuh ba naduh ba la lait ka surok ban poi sha ka Wah Myntang lyngba ka ka jingdon jong ka jingkieng Dong Snait, bun na ki paidbah na kylleng ki bynta jong ka ri Lum Jaintia bad nabar ka District ruh kila wan ban shangkai bad jngoh kai ia ki jingitynnad jong ka mariang ha kine ki jaka. Hapdeng kine ki jingitynnad la don pynban kiba shim kabu da kaba pynlong jaka dih, jaka bam bad pynlong jaka kam awria ba bun jait bad ka jingpynsniew dur ia ka mariang. Te na ka liang ka Dorbar Shnong Mukhla Shohshrieh kala pynmih ia kane ka jingmana ba nangne sha khmat yn ym shah ia kino kino ki briew ba kin leh ia ki kam pynjakhlia sha kine ki jaka. Kumta lada ka seng kan lap ia kino kino ki dang iai leh ia kine ki kam sniew bad lada ka seng ka lap kan sa pynshitom katkum ba shong ki kyndon ain jong ka Dorbar Shnong pynkut ka khubor bala phah da u ma P.Orlando Sari Rangbah Shnong.