Kem masi ka VDP Thadmuthlong

Jowai, 24 lyngkot:
Ka Village Defence Party (VDP) Thadmu-thlong (Phramer) West Jaintia Hills District lyngba u President jong ka, u ma Firstborn Sari ka pyntip, ba ka la iohkem ia kumba 16 tylli ki Masi laitlan kiba khlem trai katba ki dangbam bad pynjulor ia ki jingthung jingtep jong ki briew myn ha kane ka 24 tarik mynta u bnai ba nyngkong.
Na ka liang ka Village Defence Party jong ka Thadmuthlong ba ia kine ki Masi kiba khlem trai ban lait shuh shuh na ka jingpynjulor ki Jhur, ki Jingthung jingtep jong ki nongshong shnong, ia kine ki Masi kiba khlem trai ki la shu set ia ki shi jaka ha Thadmuthlong (Phramer).
Na ka liang ka Village Defence Party jong ka Thadmuthlong ka la kyrpad ia kino kino kiba long trai ia kine ki Masi kin wan shim noh ia kin a Ophis jong ka VDP Thadmuthlong khlem da pynslem shuh bad hapoh 5 sngi naduh ba pynmih ia kane ka khubor bad lada ym don ba wankam ia kine ki Masi, na ka liang ka VDP kan shim ban leh ia kaba donkam.