Ha 2 Number, ka shnong thymmai

Shillong, 30 Naitung:
Katba ka por ka nang ïaid, katta ki briew ki nang roi bad ki shnong ruh ki nang heh bad la donkam ban kha thymmai shuh shuh ïa ki shnong.
Dang shen la mih thymmai sa kawei ka shnong kaba kyrteng ka Twah Sohkyrkhah Nongtrai ha thaiñ Kyrdemkulai ha 2 Nombar. La kha ïa kane ka shnong na ka Nongdiengngan kaba marjan da ka jingïahun ïabeit lang hapdeng ka shnong kmie bad ka shnong ba mih thymmai.
Ki nongkitkam jong kane ka shnong thymmai ki dei u Bah Jarios Mukhim kum u Sordar, u Bah Tomip Kubah kum u Secretary bad I Kong Kristina Kharhujon kum ka Treasurer. Lajied ïa ki Executive Member ki ban ïasynshar lang hapoh ka shnong.
U Bah Jarios u la kyntu ba kino kino ki trai shnong hangthie lane kiba don jingïadei bad ki jaka puta, ki khyndew ki shyiap, ne kiba ïadei bad ki khap ki khum jaka ne ïadie ïathied jaka, kin ïakynduh ïa ki nongkitkam shnong jong kane ka shnong thymmai.