Jah ka Namdong C&RD Block

Jowai, 23 lyngkot:
Ka seng Hynniewtrep Student Union (HSU) sengkmie, ka pynpaw ia ka jingpyrshah kaba jur halor ka jingpynbna u Myntri Rangbah ka Jylla u Dr. Mukul Sangma ia ki 6 tylli ki C&RD Block ba thymmai ha ka jylla ha kine ki khyndiat sngi ba la dep. Ka seng ha ka kyrwoh khubor ba la phah da u President ka seng u samla Kyrshan Rymbai, u la ong ba ka jingleh shiliang jong ka sorkar ha ki kam pynroi ki la paw pyllein, namar ba kat kum ki jingtip bapa ka ba ia ka jingthmu ban thaw sa kawei ka C&RD Block ha Ri Lum Jaintia Hills District la dep ban pynbiang ia ki kot ki sla naduh u August 2013, hynrei haduh mynta na ka liang ki MLA napoh Ri Lum Jaintia kim nud ban ia tuklar lem halor kane ka kam ban pyntrei noh ia katei ka C&RD Block ba thymmai.
Shuh shuh na ka liang ka seng ka pynrem jur ia u MLA ka thain u ma Snaiawbhalang Dhar halor ka jingsngap mynthi jong u ban kren ei ei hakhmat ka sorkar halor katei ka Block ba thymmai hapoh ka Constituency jong u bad u ba bat ruh ia ka tnat C&RD dang shnen. Khadduh ka seng ka kyntu jur ia utei u Minister ban leh ei ei ban pynkloi noh ia katei ka kam pynkut ka kyrwoh.