Pynshai U Bah Jemino halor ka ‘Dimak Kharab’

Shillong, 23 ’lyngkot:
U General Secretary ka UDP u Dr Jemino Mawthoh u la ong ba katkum ka jingmih khubor ha u Rupang mynta ka sngi kaba u kren, “All In All Dimak Kharab’, kam dei ban thew iano iano hynrei ka dei ka jingkren danda ha ka jingialang jong ka party ha Umsning ha ka sngi Saitjain. U la ong ba ha ka jingshisha, um don kano kano ka jingthmu ban kren pyrshah iano iano bad ka dei beit tang ka jingkren biria kren danda hynrei ka jingmih ha kot khubor ka lah ban pynwandur da kumwei pat ia ki paidbah. “Ngam don kano kano ka jingthmu da kumwei pat hynrei ka dei beit tang ka jingkren biria kren danda”, la ong u Dr Jemino bad bynrap, “ka jingmih ha ka kot khubor ka lah ban pynsngewthuh bakla ia ki paidbah’.