Shah kem u para ba pyniap ia u hynmen

Jowai, 23 lyngkot:
Uwei u briew uba la tip kyrteng kum u Markut War bad uba la sin kyrteng ruh kum u Mathiyas Liam na ka shnong Barato u la shah kem ha ki pulit halor ka jingkynnoh ba u la pyniap ia la u hynmen jong u uba la tip kyrteng kum u Phim Liam.
Katei ka jingjia ka la jia naduh ka sngi nyngkong ka taiew ba ladep hadien ba la mih ka jingiania ha kaba utei u para u la shim da u maw uba heh ban tangon na khlieh bad haidein kane utei u hynmen u la mynsaw jur ha kaba la kit ia u sha Hospital NEIGRIMS, Shillong hynrei u la khlad noh hynnin ka sngi.
Kiba ha iing hasem ki la pyrshang ban buhrieh ia kane ka jingjia namar ba kadei shi-iing shisem hynrei na ka liang ki pulit ka West Jaintia Hills hadien ba ki laioh jingtip ba kadei ka kam pyniap, ki la hiar ban tohkit sha katei ka shnong bad kem ia utei u para. Ia utei uba la shah kem la phah ia u sha Jail ha Jowai.