Iasiat ki pulit bad ki GNLA, ioh kurup pistol, kuli

Tura, 29 Naitung:
Mynta ka sngi, ha ka por 12baje nohsngi, ki pulit, ki la ia ther kuli mar kylliang bad ki kaikhlaw GNLA, ha ki bynta jong ka Sasatgre, kaba don hajan Dobasipara.
Hadien ba ki pulit, ki la ioh jingtip, ia ka iaid ka ieng ki kaikhlaw GNLA, ki pulit ki la leit ban thwet ia kitei ki kaikhlaw, ha kaba ka la ialam sha ka jingiasiat kaba jur bha, wat la ym don mano mano ba iap na kano kano ka liang.
Ki pulit, ki la ioh kurup bun ki tiar siat na kitei ki kaikhlaw, kiba la phet krad ialade bad iehnoh ia ki tiar ialeh jongki. La iathuh ba la ialam ia katei ka kynhun da U Baichung, uba dei u nongpeit ha katei ka thain.
La ioh kurup ia kawei ka pistol 9mm, ki kuli, ki shithi dawa pisa bad kiwei de ki tiar ia siat.