Iakhih weng BDO ka GSU

Tura, 29 Naitung:
Ka jingiakhih, na ka bynta ban weng noh ia U Block Development Officer (BDO) jong ka Selsella Block, ka nang jur nang jur, ha kaba ki ki sengbhalang, ki iakynduh ia U Additional DC ka West Garo Hills, ha kaba ki la pan jingbit, ba un ailad ba kin pyndep ia ka jingiakhih jongki. Katei ka kynhun ka iakynduh ia U ADC, U Ambrose Ch. Marak, mynta ka sngi, ha kaba ki iathuh ba ki kwah ban pyni ia ka jingpyrshah jongki, ba ki kwah ban weng noh ia U BDO jong ka Selsella, U Dr D Roy.
La kynnoh ba ka jingleit jong U BDO ha Selsella, kan dei tang ka jingailad, ba un nang pynjubor ia ka jingbamsap ha katei ka Block. Hynrei, la iathuh ba ka jingiakren kam iaid satia, kumba la khmih lynti. U President ka GSU North Zone, U Rupa M Marak, u ong ba ka seng, ka la iaid shakhmat ban khang ia ka ophis jong U BDO bad mynta kin sdang sa ka jingiakhih, ba kin nym ia trei lang shuh bad U BDO. U Rupa, u ong ba ki bor District, ki la ong ba kin weng noh ia ka jingiakhih jongki, hynrei, na ka liang ka GSU, ka kren shai, ba kin nym ailad ia kitei ki riew bamsap ba kin don don ha katei ka Block. U President ka FKJGP, U Treepon Sangma, ula pynpaw ba katei ka seng ruh ka pyrshah ia ka jingthung ia utei U BDO. La iathuh ruh ba ka seng, ka kren pyrshah jur ia utei U BDO, uba la tar ia ki jingtah kynroh jong ka seng FKJGP, kiba dawa ba dei ban weng noh ia ubad la dawa ba ki bor District kin shim ia ki lad ki lynti ban pynsaja ia utei U BDO.