Jan khyllem ki nar ilektrik ha Umkiang

Jowai, 29 Naitung:
Ka (SSSU) Seng Samla Shnong Umkiang lyngba u publicity secretary u bah Shanbor Dhar, ka kwah ban pyntip iaka (MeECL) bad ia ka Sorkar Jylla ba bun ki nar ilektrik, ba la pynieng lyngba ka surok NH-44,naduh iew Umkiang haduh “Holly Cross Higher Secondary School” kila jan khyllem lut bad ka buh jingma shibun ia ki paidbah ba iaid lynti lyngba kane ka surok ban leit ïew,khamtam lei ka don jingma bha iaki khynnah skul kiba iaid lyngba kane ka surok ban poi sha skul. Ka seng kam kwah ban jia kaei kaei kaba sngewsih hapoh ka shnong kumba la jia teng ha Khliehriat, namar kine ki nar ilektrik, kim don tynrai shuh,bad ki lah ban khyllem ha kano kano ka por. Kumta ka Seng ka kyrpad bad kyntu jur iaka sorkar bad MeECL ban maramot kloi ia kine ki nar ilektrik. Lada ka sorkar bad MeECL kim patiaw ia kane ka jingkyntu ka Seng bad jia kaei kaei kaba sngewsih, kin hap ban kitkhlieh hi.