Khreh Delimitation Committee ka KHADC

Shillong, 28 Naitung:
U Chief Executive Member (CEM) ka KHA DC u Bah Pyng shngaiñ N Syiem u la ong ba um pat ioh pdiang ei ei na ka sorkar halor ka jingthmu ban thaw ia ka Delimitation Commission (DC) na ka bynta ban bishar ia ka jingphiah MDC constituency ha kane ka jylla.
‘Nga la ioh jingtip ia kane ka jingthmu ka sorkar lyngba ki lad pathai khubor hynrei ym pat don ei ei ka shithi ba poi sha ka Council” la ong u Bah Pynshngainlang haba kren ha kane ka sngi u Blei.
U la ong ba ka jingthmu ban thaw ia ka DC ka la wan ha ka por haba ka Council ka la pas ia ka KHADC Autonomous District (Constitution of District Councils) Rules, 2013 kaba thmu ban pynduh bad ban pynkha thymmai ia ki MDC constituency.
Haba twad jingmut kaei kaban jia ia ka Bill jong ka KHADC lada thaw ia ka DC, u CEM u la ong ba kan long kaba eh ia u ban kren ei ei halor kane namar ba ym pat ioh ei ei la ka sorkar kan thaw ne em ia ka DC.
“Ngan hap ban khot ia ka jingialang jong ki MDC ban iakren ia kane ka jingthmu hadien ba la ioh ia ka jingthoh na ka sorkar. Kan shong ha ki MDC la kin pyrshah ne kin pdiang ia ka jingthmu ban thaw ia ka DC,” la ong u Bah Pynshngainlang.Halor ka jingthmu jong ka sorkar ban pyniar ia ka por jong ki MDC, u la ong ba um lah ban buh jingkylli namar ba u Lat u lah ban ai bor ban pynjlan ia ka por jong ka Council.