Tang ki kali ba la siew khajna, kin kamai sha Ri Bhoi

Nongpoh, 05 K’lyngkot:
Ka ophis jong u Deputy Commissioner Ri Bhoi District, ka la pynbna paidbah ba tang kito ki kali kiba la siew ia ka khajna sha ka sorkar na ka bynta ban kit ia ki nongleit nongwan bad ia ki mar ki mata kiba lah ban shim pisa haba don kino kino ki briew kiba donkam ban shimwai (Reserve), kaba long ruh katkum ka Sub Section (8) bad (12) ka Section 2 jong ka Motor Vehicle Act, 1988 bad kaba long ruh katkum ki kyndon ain jong ka Meghalaya Passengers and Good Taxation Act.
Kumta halor jong kane, la ong ruh ba ka jingshimwai ia ki kali jong ki riew shimet (Private) na ka bynta ban leit ban wan ne haba donkam ban kit mar kit mata, ka long ruh ka jingpynkhein ia ki kyndon ain ba katkum Meghalaya Passengers and Good Taxation Act bad Motor Vehicle Act, 1988.
Namarkata, hadien jong kane ka jingpynbna lada lap ba dang don kino kino ki kali Private kiba pynkhein ia kitei kiba la kdew haneng, da kaba ki leit haba don kiba shimwai la ka long haba kit ia ki nongleit nongwan ne kit ia ki mar ki mata, kin gat ha ka jingshah pynshitom ba katkum ki kyndon ain.