Pan jubab ka sorkar, ban khang ia ka CMJ University

Shillong, 26 Naitung:
Ka sorkar jylla ka la pan jubab na ka CMJ University ba kan ai ia ka ju bab kaba shai balei ym dei ban khang khyrdep noh ia ka.
“Ngi la pan jubab halor ka jingpyn wai ne khang kdam noh ia kane ka CMJ university,” la ong u Symbud Myntri Rangbah ba peit ia ka pule puthi u Prof Roytre C La loo hadien ba la wai ka jingialang jong ka kynhun myntri ha kane ka sngi Thohdieng.
U Prof Laloo u la ong ba kane ka university kam pat ai ia ka jubab jongka sha ka sorkar.
“Ngam don kano kano ka jingtip ba bniah ia ka jingbuh por sha kane ka skulbah ba kan ai ia ka jubab.Hynrei la pan jubab katkum ki kyndon ba la pruid dak ha ka ain” Symbud Myntri Rangbah.