29tarik, yn pynshai ILP ha Jowai

Shillong,26 Naitung:
Ki seng bhalang bapher bapher ba kynthup ia ka KSU, JSU, GSU, FKJGP, HNYF,JYF,RBYF ,CSWO kin pynlong ia ka jingialang paidbah ha ka 29 tarik mynta u bnai ha Jowai ban pynshai paid bah ia ka jingdonkam ban pynbor ia ka sorkar ban pyntreikam noh ia ka Inner Line Permit (ILP) hapoh ka Jylla Meghalaya.
Ki sengbhalang ba pher bapher kin pynlong ia kane ka jingialang paid bah ka long ban pynshai sha baroh ki nongshong jong ka Bri u Hynniewtrep na ka bynta ban dawa na ka sorkar ban pyntreikam noh ia kane ka ain ka ban tehlakam ia ka jingwanrung kyrthep ki mynder ri bad ki bar jylla sha Meghalaya khlem kano kano ka jingtehkyndon ne ka adong kumba leh kiwei pat ki jylla riewlum kum ka Nagaland bad Mizoram.
“Ko phi ki paidbah to ngin ia ieng tylli kawei ban dawa na ka sorkar jylla ban pyntreikam noh ia ka ILP, namar kadei ka bor ba la pynkup da ka ain ban khanglad ia ka jingwan rung kyrthep ki mynder, namar ka
jingwan ki mynder kan pynkylla ia ki riti ki dustur, kan pynkylla ia ka rukom bat khyndew bad kan don ka jinglehbor shimet (monopoly) ia ka khaii ka pateng jong ngi” ong ka kyrwoh na ki sengbhlang. Ki seng ki la wer la khot sngewbha ia baroh ki paidbah jong ka Ri-Lum Jaintia ban ia mih paidbah na la ki jong ki ing ki sem ban wan sngap ha katei ka jingialang ban pynsha ia ka jingdonkam ka ILP.