Pynkhuid ia ka jaka sum U Syiem Jaintia, kaba ki khot ka Rupasor

Amlarem, 3 ‘lyngkot:
Kum shi bynta ban pynneh pynsah nam ia ka matti u longshuwa ne ban pdiang burom ia u snem thymmai ka Seng Samla Syndai Mission hapoh ka shnong Syndai kaba hap hapoh ka Amlarem Sub Division, ki la leit pynkhuid ia ka jaka sum jong u Syiem Jaintiapur ia kaba ki khot haduh mynta kum ka Rupasor. Ha kane ka jing pynkhuid la wan ia shim bynta na duh ki samla shynrang haduh ki samla kynthei, na ka bynta ban pynneh pynsah ia kaei kaba u longshuwa u la buh jingkynmaw.
Bad ha ka juh ka por ki paid nongshong shnong jong ka Shnong Syndai hi, ki kyntu ia ki paid nongwan jngohkai na kylleng ba kim dei leh jakhlia ia kane ka jaka ha ka por ba ki wan kai khamtam ha ka por ba ki wan bam khawai khnang ba kan long itynnad bad kaba pynneh pynsah ia kane ka jingtei u mynbarim.