Shah rong ei 24 tylli ki masi ba shongdor palat T.5 lak

Shillong, 29 Nohprah:
Ki la don kumba 24 tylli ki masi kiba shongdor T.5 lak tyngka kiba la shah tuh na kawei ka trok kaba dang iaid lynti ha Zero Point , Ri-Bhoi district ha ka miet 23 tarik mynta u bnai ha ka por 8:30 baje.Ha katei ka trok kaba don ia u nombar ML-05H 7850 kaba kit 24 tylli ki masi ba shongdor T.5.60 lak tyngka la don tang u nongniah marwei bad uwei u nongpeit ia kitei ki masi.
Ia kitei ki masi la thied da u Asia Kharbuli ha katei hi ka sngi na u Larshana Kharbamon uba shong basah ha Mawlai Phudmuri. U Asia u la ong ba tang mar ia thied ia kitei ki masi na Ri-Bhoi la iaid ryngkat ryngkat noh bad kawei ka kali rit kaba synran hynrei tang sa shiphang la ia bakla lynti noh bad ki la poi iaid la ka jong ka lynti.
Hynrei tang mar ia poi ha Sumer la ong ba ka la don ka kynhun ki runar kiba la pynsangeh ia ka trok kit masi bad la bthah ia u nongniah bad uta uba peit ia ka masi ba kin kiew da kawei pat ka kali bad la pynhap ia kitei ar ngut ha Zero point. Halor katei ka jingjia la ujor FIR ha Umiam Police Station ha ka 24 tarik mynta u bnai bad haduh mynta ki pulit kim pat ioh kem iano iano ruh.