Jurip u Chairman ka KHADC ia ka surok Mawkohmor ha Tyllang

Nongstoiñ, 28 Nohprah:
U Chairman ka KHADC u bah LG Nongsiej u ba dei ruh ha kajuh ka por u MDC jong ka Nongstoin Constituency, ha ka sngi balang jong ka taiew u la hiar sha ka shnong Tyllang West Khasi Hills District, ban leit jurip ia ka surok jong ka madan Mawkohmor ha ryngkat ka jingiasynran lang ki riew rangbah jong katei ka shnong.
Haba iakren bad u nongthoh khubor hadien katei ka jingjurip na ka liang jong u bah L.G. Nongsiej u la ong ba ka jingthmu jong katei ka jingleit jurip ka long hadien ba ki paidbah nongshong shnong jong katei ka thain ha ryngkat ki nongialam shnong kila ud namar ba katei ka surok kala sniew palat.
Ym tang kata u la iathuh ruh ba na ka liang jong ki bor pyniaid jong katei ka shnong kila kyrpad ruh ban ai jingiarap lem na ka bynta ban ioh maramot ia katei ka surok na PWD sha Madan Mawkohmor kaba don 1 KM shiteng, khnang ba kan pynsuk ia ki paidbah riew ngeit jong ka balang Presbyterian ki ban wan sha ka jingiaseng District bad Presbytery ka ban sa long ha katei ka shnong ha u ne u bani ban wan jong u snem 2017.
Ha katei ka jingjurip na ka liang jong u bah Nongsiej u la lap bad iohi dala ki jong ki khmat ba katei ka surok na PWD sha ka madan Makohmor ka jaka ba thmu ban pynlong ia kitei ki ar tylli ki jingiaseng heh ha katei ka shnong kala long shisha kaba la sniew, kumta ban pynsuk ia ki paidbah nongwan jingiaseng u bah Nongsiej u la kular ruh ban ai jingiarap ia katei ka shnong na ka bynta ban marammot ia katei ka surok.