La 7 bnai ym don bording ha Mushrot

Jowai, 22 Nohprah:
Ar tylli ki kyntoit ha ka shnong Mushrot, thain Sahsniang, West Jaintia Hills kim shym la ioh bording satia la 7 bnai kynthih na ka daw ka jingtorti ka tnad MeECL haduh ban da bthei syndon u Transformer ha katei ka shnong.
Ki paidbah nongshong shnong ka shnong Mushrot ha ki ar tylli ki dong kiba kynthup ia ka dong Nein Shnong bad dong Lum Mujem ki la hap ban shong sah hapdeng ka jingdum man ka miet na ka daw ka jingbym don bording.
Ha ka jingwan poi une u nongthoh khubor sha katei ka shnong ha ka meit sngi Balang, la iohi ia ka jingeh ki paidbah ha kitei ki ar tylli ki kyntoit ka shnong Mushrot bad haba la ioh jingtip na ki paidbah ba kim shym la ioh bor ding la 7 bnai kynthih la lap ia ka daw ba ka long ka jingbym shym la shimkhia ka tnad MeECL.
Ka jinglong torti ka MeECL ka la pynlong ia u Transformer ban sop da ki phlang bad ki sanium suda kat haduh ba une u Transformer u la bthei khlem da treikam shuh.
La iathuh ba na ka liang ki bor shnong ki la ujor bun sien sha ki bor jong ka MeECL hynrei ki sahep jong katei ka tnad sam bording kim pathiaw satia haduh mynta.
Ki nongshong shnong ki la kyntu jur ia u Local MLA ban tuklar halor kane khnang ba kin lait na ka jingdum khlem bording.