Plie Iing Khunswet ha Sahsniang

Jowai, 22 Nohprah:
U ma Vincent H Pala, MP ka Lok Sabha u la plie paidbah ia ka Iing sah ki khunswet Shynrang ka NEIMA (North East India Mission Association) ha Sahsniang hynnin ka sngi Balang ha ka jing iadonlang u MLA ka Mowkaiaw, Robinus Syng kon, MLA ka Shangpung, u ma Coming Ymbon bad u MDC ka Mowkaiaw u ma Wining Sungoh.
Ia katei ka Iing la synniang da u ma Chibor Wahlang uba dei na ka shnong Sutnga ha ryngkat ka kmie jong u ha ka jinglut kaba palat 4.5 lakh tyngka. Nalor u ma Chibor Wahlang, u MDC barim ka thain, u ma Gilbert Sten bad u samla rangbah ka thain u ma Nehimaya Tyngkan ruh ki la synniang da ki Almira bad ki Painkhana naka bynta katei ka iing sah ki khunswet Shynrang kiba don ha ka Iing Khunswet ka NEIMA.
Ha ka jingialang kaba la pyniaid da u Pastor L Rodborne la sakhi da ki spah ngut ia kane ka jingplie paidbah ia katei ka Iing naduh ki paidbah nongshong shnong, ki dkhot nongialam ka NEIMA na ki unit bad Central Body.
Na ka liang ka NEIMA ka la ai ruh ia ka Dorkhas sha u ma Pala na ka bynta ban ker kynroh, ban shna ia ka iing na ka bynta ka Vocational Training School bad ruh ki Computer nalor ka umbam na ka bynta katei ka iing khunswet.
Na ka liang u MP, u la kular ban iarap na ka bynta ka building jongka Vocational Training School bad 10 tylli ki Computers katba u la bynta pat ia ka jingker kynroh sha u MLA bad ban shna ia ka tyllong um sha u MDC ka Mowkaiaw.