Yn rah u myntri kam pohing sha ka Cabinet ia ka ishu doh masi

Shillong,22 Nohprah:
U myntri ka tnad kam pohing ka jylla u bah HDR Lyngdoh u la kular sha ki nongdie doh masi ba un rah ia katei ka mat hapoh ka kynhun ki myntri sorkar (Cabinet) ban ia kren halor ka jingkwah ki nongdie doh ban ksam shkor bad ban eksamin ia ki masi, ia kane la iathuh da u bah Generous War larpih haba ia kren bad u nongthohkhubor hadien ba ki la wan ia kynduh ia u bah HDR Lyngdoh ha kamra treikam jong u ha Secretariat.
Katkum ka jing iathuh utei u nongialam ki nongdie doh u la ong ba u myntri sorkar u la ong ba katei ka jingthmu jong ki ka dei kaba dei eh bad kaba sngew shongnia ban pynthikna ba ki masi ba ki ot doh kin dei kiba bit ba biang ban bam.
U la ong ruh ba ha katei ka por ba ki leit ia kren la donlang ki ophisar na ka tnad ri jingri , ka seng FKJGP bad u ba Warlarpih u la pynpaw ba katei ka jingthmu kam dei eh tang ban pynthikna ba ki masi bam doh ki dei ban long kiba biang hynrei ka dei ruh ban khanglad ia ka jingkhaii tuh sha Bangladesh bad kumjuh ban pynneh ia ka dor doh masi ym ban shu pynkiew na ka por sha ka por kumba ka long ha ki por ba la dep.