Hikai shna sboh u sahep na Amerika ia ki nongtrei tnad rep

Shillong, 19 Nohprah:
Ban pynshlur ia ki nongrep ban pyndonkam da ki sboh mariang ne organic, ka tnad rep ka jylla ka la shah hikai ha u sahep na Amerika u James Turners ha jaka hikai ha Upper Shillong kaba sdang mynta ka sngi.
Ka jinghikai kan long ar sngi kynthup ka jingpule bad ka praktikal ia ki nongtrei ka tnad ka rep ka riang ba long ha Integrated Agricultural Training Centre (IATC), Upper Shillong.
Haba kren ha kane ka sngi, u James Turner, u la ba u briew u pyndonkam ia ka bor na ka mariang kiba la lang da ki milian snem,kin sa rngad noh da ka jingiai pyndonkam ia ki.
U la ong, ka long namarkata, kaba donkam ban pyndonkam noh da kiwei pat ki jait spah kiba lah ban pynmih bad shna biang na ka bynta ka jingdonkam jong u briew.
“Ka jingshna sboh mariang ka dei kawei ka bynta kaban iarap na ka bynta ki nongrep bad ka imlang sahang”, la ong u Turner.
La ioh ruh ia ka jingkren na u Commissioner & Secretary ka rep ka riang u P.S Kumar, ba la don lang ka director ka Kong Dorothy Syiemiong, ka Kong B.War, Director, Meghalaya Agriculture Management and Extension Training Institute (MAMETI) bad kiwei.