Sngewkhia ka SKHYDO ia ka Sabuda

Shillong, 25 Naitung:
Ka South Khasi Hills Youth Development Organisation (SKHYDO) H.Q. Mawsynram ka la pynpaw ba ka jingthaw ka sorkar ia ki komiti ba pher bapher bad ka Boundary Commission halor ki khappud bad ka sorkar Assam ka long tang ban pynthame ia ki paidbah hynrei katba ka sorkar ka dang thaw ia ki komiti, ka Assam ka dang iai kyntur ia ki jaka jong ka Meghalaya.
Ka seng ka pynpaw ka jingsngewkhia halor ki jingjia kiba la jia ha shnong Sabuda kaba hap ha Block-II kane ka pyni shai kdar ia ka jinglong khawpud jong ka sorkar jylla.
Ki khynnah skul ha ryngkat ki uniform, kim banse ban tur bad ban pynpaw pyrshah namar ki sngewthuh ba kane ka dei ka hok bad ba kim dei ban duh noh ia ki jaka ki puta hynrei ka jingkylli mynta ka long haduh katno ka sorkar jylla ka sngewthuh ia kine ki jingeh.
Ka seng ka buh jingkylli sa katno ngut dang hap ban shah bom shah tied bad sa katno ngut ki mynsiem briew dang donkam na ka bynta ban ioh noh ia la u pud u sam balei ka sorkar ka sngap jar jar kat kine ki jingpyni bor ka sorkar Assam.
Ha ka juh ka por ka seng ka la kyntu ia ka sorkar jylla ba kan pynduh noh ia kito ki committee ia dihsha ka la dei ka por ban pyni bor noh da ka kam bad ban leh eiei noh ia u pud u sam.
Kane ka long katkum ka kyrwoh ba la phah da u Bah Pynsuk Myrthong, Publicity secretary ka SKHYDO.