Khublei ka UDP ia ki nongjied

Shillong 18, Nohprah:
U president ka UDP East Khasi Hills District u Bah Titosstarwell Chyne ha ka kyrteng jong ka party u ai khublei ia baroh ki paidbah kiba la ai ka jingkyrshan ia ka seng UDP ha kane ka MDC elekshon shiteng samoi.
U Bah Chyne u la ai khublei ia baroh ki paidbah jong ki konstitwensi kiba la ai ka jingkyrshan ia ka party, na ka bynta kito ki konstitwnesi kiba ka party kala jop bad kum juh ia kito ki konstitwensi kiba ka pary kam shym la poi sha ka jingjop ruh kum ka party ka ai khublei ia baroh ki paidbah kiba la ai ka jingshaniah ia ka party UDP.
Haba ia dei bad ka jingrem jong ka party na Pariong Mawthadraishan ka seng kam shym poi pyrkhat hynrei ka pdiang ia ka rai jong u paidbah, bad ha ka juh ka por kim shym la poi pyrkhat ba kin hiar hapoh Nongspung-Sohiong Konsitwnesi hynrei ka party ka pdiang sngewbha namar kane ka dei ka kam jong u paidbah. Da ka jingjop jong kine ki ar ngut ki MDC ka jingdon jong ka UDP mynta ia ki MDC hapoh jong ka KHADC ka long san ngut.