40klur ngut, kin duh khaw, khreh iakhih sa ki nongdie reshon ha India

Thiruvananthapuram, 25 Naitung:
Ki nongdie khaw reshon ha ka lama jong ka All India Ration Dealers Association kin pynlong ia ka jingiakhih jong ki da kaba shah thngan ha ka 2 tarik u risaw da kaba kam ba na ka scheme thymmai, ba ka sorkar kan pynioh khaw tang T.3 tyngka shi kilo, hynrei kin don haduh 40 klur ngut ki ki briew ki ban duh khaw. Katei ka seng ka dawa ruh na ka sorkar ba ka dei ban thaw thymmai ia ki buit ki lad kumno ban ithuh ia ki briew ba dei ban ioh ia ki rashon jong ki. ” Ka Association kan pynlong da ka jingiakhih shah thngan” ong ki nongialam katei ka seng baha kren sha ki nongthohkhubor.
Katei ka jingshah thngan bad ka jingiakhih jong ki nongdie reshon , kaba la ia sngewthuh jingmut bad ki 5 lak ngut ki nongdie rashon ha kylleng ka India kin pynlong ruh ia ka sngi jingsngewsih ne ka sngi ba ki nong sam khaw reshon, kin ia shong khrui ban ia bam da k kynja jingbam kiba long kum u shaw ne Maggi ha ka 20 tarik u bnai ban wan kum ka dak ka jingpynkhlain bad ka jingkyrshan ia katei ka jingdawa jong ki na ka sorkar, ong u general secretary ka Association u Babychan Mukkadan .
” Ka sorkar kam dei ban pyntreikam ia ki ain khlem ka jingbuh ryntih bad ki plan ba janai ban wad ia kita ki briew kiba dei ban ioh hok ban ban pynkhreh ia ki kyrteng jong ki, ban pynbor ia ka sorkar ban sngap ia ki jingdawa jong ngi ngi la pynkhreh da ka jingiakhih baroh shityllup ka ri” bynrap biang utei u nongialam ki nongdie rashon da kaba byrngem ba lymda kumta ki nongdie rashon ki la ong ba ki briew ba dei ioh kin duh marshiteng ha nongkyndong bad 25 na ka shipah ha sor.
Ha Kerala ki dkhot ka Association kin pynlong ka jingshah thngan ha ka 23 tarik u Nailur ha khmat ka Secretariat.