Tang hapdeng 11 snem ka jingwan kai jong ki briew ha kane ka nanpolok ka la kiew man u snem.
Katkum ka jingtip ba la ioh lum na kane ka tnad Forest la kdew ba ka jingiohnong jong kane ka Tnad ka la kiew na ka T.7lak sha ka T.18lak tang hapdeng kine 11 snem. Tang ha u snem 2002-2003
Ka la ioh lum T.7,35, 469, ha u 2003-2004 la ioh T.5,72,560, 2004-2005 la ioh T.8,57,657, ha u 2005-2006 la ioh lum T.10, 08,558, ha u snem 2006-2007 la iohlum T.12,68, 328, ha 2007-2008 la ioh T.10,83,229, ha u 2008-2009 la ioh lum T.13,85, 692, 2009-2010 la iohlum T.16,18,280, 2010-2011 la iohlum T.13,34,234, 2011-2012 la iohlum T.14,94, 997, ha u snem 2012-2013 la iohlum T.18,07,716 bad mynta u snem tang ha pdeng u bnai Iaiong haduh u bnai Jylliew kane ka tnad jong ka Forest ka la iohlum haduh T.5,85,690.
Tang mynta u snem 2012-2013 ki nongwan rungkai ha kane ka nan polok ki poi 8,33,28 ngut ki briew kynthup lang naduh kiba rit haduh kiba heh ba san.
Kane ka Nanpolok kadei ka ba la seng da u William Erskine Ward ha u snem 1893-1894 bad ka jingheh jong kane ka nanpolok kadei 6.28 hecteres.
Ha u snem 2001 kane ka park la aiti noh ha ka jingpyniaid jong ka tnad Forest & Environment
Ka tnad Forest ka peit tang ia ki ba iadei bad ka jingpynkhuid ia katei ka park bad ia ki syntiew ki sku, katba ia ka jingshonglieng bad ka dukan bam la peit da ka tnad jong ka Tourism Development Corporation.
Kane ka Nanpolok na u bnai Lber haduh u bnai Risaw ka por plie jong ka ka long naduh 8:30 mynstep haduh 6:30 janmiet, ha u bnai Naiwieng haduh u Rymphang ka plie 8:30 mynstep haduh 4:30 janmiet lait noh ha ka sngi baar ki khang.
Ka Nan Polok ka la kham itynnad hadien ba la pynshna ki shipai ia ka pung kynshait da ka bording bad nalor kiwei ki jingpynitynnad.
Phi don ban ong eiei?