Shwa ban shai, kem ding ki dukan ha Bishnupur

Shillong, 09 Nohprah:
Mynta ka sngi, dang step phyrngab shwa ban shai ka bneng, ki dukan kiba don ha Iew Bishnupur, Laban ki la kem ding kynsan haduh ba la ingkhong khait ha kane ka jingjia.
Ki don kumba 15 tylli ki dukan kiba kylla dpei ha kane ka jingjia bad ka jingjulor ka la kot da ki lak tyngka hynrei ym don ba mynsaw eiei ha kane ka jingjia lait noh tang ka jingduh ki mar ki mata.
Ha ka jingshisha, ki pulit pyntip ki la pyrshang ban beh bran bran sha katei ka jaka mar ia ioh jingtip hynrei kim lah leh eiei shuh namar ba ka thylliej ding ka la ieng bha bad bam shngain ia ki tiar ki tar.
Ki pulit ki dang lum ia ki jingtip ha kaba iadei bad ka jingduh jong ki mar ki mata ha ki dukan kaba ki don bad ban wad ia ka daw halor kane ka jingjia.