Shah tynrah u pulit pyniaid kali

Shillong, 9 Nohprah:
Ha ka 8 tarik mynta u bnai ha ka por 5:50 baje janmiet kawei ka kali kaba la niah da u Bankit Synrem na Malki, Pdengshnong kaba don ia u nombar ML-05K 9239 ka la tynrah ia uwei u pulit pyniaid kali uba la tip kyrteng kum u Andrush G. Momin jong ka Sadar Traffic Branch katba u dang pyniaid pyniaid kali. La rah ia utei u nongniah bad kumjuh ruh ia u pulit pyniaid kali sha Civil Hospital, Shillong ban eksamin bad hadien ki doctor ki la pynbna ba u Bankit Synrem u don hapdeng ka jingshongshit kyiad.
La rejistar kes ia katei ka jingjia Sadar P.S. Case No. 338(12) U/S 279/338 IPC pyrshah ia utei u nongniah kali namarba ka rukom niah kali jong u ka wanrah jingma ia ki paidbah.