Byrngem iakhih ki nongtrei Municipal, namar ka T.3klur Dawa ban siew arrear hapoh 30sngi

Shillong, 24 Naitung:
Ki nongtrei ka Shil long Municipal Board (SMB) hapoh ka lama jong ka Shillong Municipal Employees Association (SMEA), ki la byrngem ban pynlong ia ka jingia khih ba tyngeh lada ka sorkar kam lah ban ai ia ki jingdawa jongki.
“Ngi la iai shah hyn rei ngim lah ban iai shah slem. Lada ka sorkar kam sngap ia ki jingdawa jong ngi, ngi hap ban mih sha madan ban iakhuh” la ong u Bah S Pyngrope u president ka SMEA.
Katkum ka jingong jong u Bah Pyngrope, ki nongtrei kim pat ioh ia ka arrear jaba dei naduh u snem 2007.
“Ka sorkar dang shen ka la pynlait T.47 klur ia ki nonghikai kolej, kumno ka bhah jong ngi pat kaba tang T.3 klur ruh kam lah” u la pynpaw ia ka jingsngew lyngngoh bad bynrap ba la pyrshang ban iakynduh ia u chief executive officer ka SMB hynrei ym shym la ioh satia.
U la ong ba u CEO u wan ha ka por mynstep bad janmiet, hynrei lehse u tip ia ka jingthmu jong ki nongtrei bad u khlem wan” la ong u Bah Pyngrope.
U President ka SMEA u la bynniaw ia ka jingle jong ka sorkar ia ki nongtrei ka Municipal kiba iakynduh shibun ki jingeh kum ka jingbym pynlait biang ia ka tulop, ka jingbat ia ka jingkiew kyrdan ki nongtrei.
U la ong ba ha u snem 2010, ka myntri ba peit ia ka tnad municipal ka dei kajuh haduh mynta bad ka ju kular ban peit ia ka jingeh jong ki nongtrei hynrei sngewsih ba kane kam urlong satia haduh mynta ki sngi. Kumba T.65 lak shi bnai donkam ban siew sha ki nongtrei ka municipal kiba don 450 ngut ki nongtrei.