Jowai, 6 Nohprah:
Ki Arngut ki shijur, kiba la iapoi kha hynrei na ka daw bym hun kiba haiing hasem namar ki dang rit ka rta, ki la dkhat jubor noh ia la ka jingim ha u tyllai phasi.
Kane ka la jia hynnin ka janmiet sngi Nyngkong ha ka shnong Satpator, Amlarem Sub-division ha West Jaintia Hills ha kaba u Boy-mi (Boi-mi) Mulat, 19 snem ka rta bad ka Cherish Dkhar, 18 snem ka rta ki la ia ieid samla bad la ia poi kha ruh, hynrei namar ba ki dang khamrit ka rta, kiba haiing ka sem ki la hukum ia ki ban ia shnong khlad shwa na ka bynta katto katne snem, hynrei kitei ki shijur kim sngewlah ban pdiang ia katei ka hukum jong ki ba haiing hasem, kila rai ban iap ryngkat da kaba dkhat jubor iaka jingim ha u thyllai phasi.
La iathuh ba ki la mih na iing hynnin ka janmiet ha ka por 4:00 pm eiei ban leit sha kawei ka jaka riat ban kiew halor dieng bad ban teh na ryngdang da ka jain kyrshah ban kynthih ia lade ban sdien iap.
Halor kane ka jingjia haka por 7 baje eiei mynmiet la pyntip sha ki pulit ka Amlarem ha kaba ki la hiar mar mar sha katei ka jaka ban pyndep ia ka ain ka kanun.
Na ka liang kiba haiing hasem, ki la kyrpad ia ka bor jong ka ain ban pyllait noh ia kitei ki ar ngut na ka post mortem ha kaba ka bor jong ka ain lyngba u Magistor u la pyllait noh ia ki na ka Post mortem bad kiba haiing hasem ki la pyndep ia ka jingpynkhuid ia ka met jong ki mynta ka sngi
Phi don ban ong eiei?