Lap ki shipai 49 ngut, ba wad kam da ki syrnod thok

Shillong, 24 Naitung:
Ki bor shipai ki la lap haduh 49 ngut ki briew kiba wanrah ia ki syrnod ne ki kot ki sla kiba thok kum ki nong shong shnong ha ka jingpynrungkam shipai kaba dang iaid shaid shaid haduh mynta ha JN Stadium, Polo.
Haba pyntip ia kane, u SP (City) u Bah Vivek Syiem u la iathuh ba ki bor shi[ai ki la lap ia kine kiba pyndonkam da ki kot ki sla ba thok haba pynlong ia ka jingbishar bniah ia kito kiba wan ban iakhun ia ka kam shipai.
Ki shipai ki la aiti ia kitei ki briew sha ki pulit ban leh ia kaba donkam.
“Ngi la rejister kes (case) halor kane”, la ong u Bah Vivek.
U SP (City) u la iathuh ba la don sa kumba 40 ngut ei ei kiba ai da ki kot ki slab a thok ha kaba iadei bad ka jaka sah jongki.
“Hynrei kim shym la wan sha ka jingmareh hadien ba la tip ba kito kiba wanrah da ki kot ki sla kiba thok ki la shah kem” la ong u Bah Vivek.
U la ong ba kiba bun ki kot ki sla kiba thok ba la wanrah da ki kandidet ki dei na ka Dimapur katba kiba bun kiba la lap ki dei na Uttar Pradesh.