Wan tuh maw 15tylli ki lieng Bangla

Shillong,24 Naitung:
Ka jingwan tuh maw jong ki khar Bangla na ki wah kiba don ha shilynter ka Wah Dawki ka long kaba ju jia man ka por ha kaba ki khar Bangla ki ju wan da ki phew tylli k lieng ban khlong ia ki maw bad ban kit sha ka jaka la jong bad kane ka jingwan tuh jong ki ka ju jia bha ha ka por mynmiet ha ka por ba ki briew ki ioh thiah lyngngai.
Dang mynhynne ka miet kumba 15 tylli ki lieng ki khar Bangla ki la wan tur sha ka ka wah kaba don ha ka shnong Khyn dong Mawprah kaba jngai tang kumba 200 mitar eiei na ka shnong Dawki bad kitei ki lieng jong ki khar Bangla ki la wan ha ka por 12:30 eiei mynmiet.
Ki BSF bad ki pulit home Guard kiba la ap siar bha ia katei ka jingwan rung ki khar Bangla da k lieng ban tuh maw marsien iohi ia ki kynhun ki khar Bangla ba ki la wan rung hapoh u pud u sam jong ka India ki la kthong ia ki, la iathuh ruh ba ki khar Bangla marsien iohi ba ki BSF bad ki pulit Home Guard ki la kthong ki la wan ki la mareh khlem tip briew shuh ha kaba 3ne saw tylli ki lieng jong ki ryngkat bad ki maw ki la ngam hapoh um.
Ha katei ka jingkthong ki pulit kim shym la ioh kem satia ia kitei ki khar Bangla bad kumjuh ruh kim pat lah haduh mynta ban sei ia ki lieng jong kitei ki khar Bangla namar ki la ngam ha ka thwei ba jylliew bah bad khamtam ruh ba ka ka um ka dang heh bha namar ka jingther u slap.