Kut ialap elekshon 11 Nohprah

Jowai,2 Nohprah:
U Returning Officer jong ka District Council Election, West Jaintia Hills District u la iathuh ba ki kam ialap election jong ka Election shiteng samoi ( Bye-Election) sha ka Jainita Hills District Autonomous District Council, 2016 kan kut noh ha ka 11 tarik u Nohprah, 2016 ha ka por 4 baje janmeit. Hadien kane la khang pyrshah ban pynmih ne pynbna ia kino kino ki kam ialap election ha baroh ki bynta jong ka 1-War East District Council Constituency.
La mana ban pynlong jingialang paidbah, ne yn ym shah ban pynmih ia kino kino ki kam kiba ia dei bad kane ka election kiba lah ban ktah ia U ne Ka nongtep ha ki kot khubor ne telibishon.
Lada don uno uno ne kano kano ka briew kaba pynkhien ia kane ka kyndon yn shah pynshitom kat kum ka ain da kaba shah set phatok haduh ar snem kynthih lane shah dain kuna lane baroh ar.
U Returning Officer jong ka District Council Election, West Jainti Hills District u lah ban jur ruh ba baroh ki TV/ Radio bad ki cable TV kim dei ban pyllait ne pynmih prokram kiba iadei bad ki Apil ne jingiatai ne ki jingiakren na ka bynta u ne ka candidate ne kino kino ki Political Party kaba lah ban ktah ia ka Election.