13 tarik pynbna shuti ioh bainong

Shillong, 2 Nohprah:
U Under Secretary sha ka sorkar jylla General Administration (A) Department u la pyntip paidbah ba baroh ki ophis sorkar bad ki jaka pule kiba hap hapoh ka 8 Nongkrem, 15 Laban-Mawprem, 22 Nongspung – Sohiong Constituencies – East Khasi Hills bad 23 Mairang-Nongkhlaw, 24 Pariong-Mawthadraishan, 28 Rambrai-Jyrngam Constituencies – West Khasi Hills District bad 1 War-East Constituency- West Jaintia Hills District kin khanglut ha ka 13 tarik mynta u bnai namar ka elekshon MDC shiteng samoi khnang ba ki paidbah kin jied ia u MDC jong ki sha Khasi Hills Autonomous District Council bad Jaintia Hills Autonomous District Council. La hukum ba kino kino kiba trei ha ki kam khaii, ki karkhana bad kiwei pat ki jaka trei ba hap ha ka thup jong ka N. I. Act, 1881 bad ki nongtrei bylla sngi, ki nongtrei casual kin ioh shuti bad ka ioh bainong.