Thoh ka UDP sha U Modi ban pynbun pisa, namar ka Kristmas

Shillong, 2 Nohprah:
Ka UDP ka la thoh da ka jingthoh sha u myntri rangbah duh ka ri u Narendra Modi ban kyrpad ia u ban kham pynkiew ia ka pisa ban sei na bank namar ba kane ka dei aiom ba kmen ia ki paidbah kane ka jylla kiba bun ki dei ki Kristan ba kin ioh ban rakhe ia ka Kristmas kumba ki ju leh manla u snem.
Ha katei ka jingthoh ba la soi da u General Secretary jogn katei ka seng u Dr.Jemino Mawthoh uba dei ruh u MLA ka Nongthymmai u la ong ba ka UDP ka kyrshan ia ka jingpynduh u myntri rangbah ia ki kot 500 bad 1000 hynrei u la kyrpad pat ba un kham pynjynsur noh ia kane ka jylla tang ha i por ba ki paidbah kin ioh ia thied ia pet bad ban ia ai sngewbha na bynta ka jingrakhe Kristmas.