Maramot surok ki nongniah kali Mawkyrwat

Shillong,24 Naitung:
Dang mynhynin ka sngi ka seng ki nongniah kali ha Laitlyngkot, ki la maramot dalade hi ia ka surok naduh na Laitlyng kot shaduh Nongkynrih. Hynrei mynta pat sa ka seng ki nonghniah kali Mawkyrwat ki la ia mih ryntih hapoh ka lama jong ka Mawkyrwat local Taxi Driver and Owner Association ha kaba baroh ki nongniah kali kamai hapoh ka thain Mawkyrwat ki la ia mih ban maramot hi ia ka surok ba la shu ieh kput da ka PWD khlem da pynbha la bun bun snem.
“Ngim banse ban maramot dalade h ia ka surok namar ka la wanrah jingeh ia ki nongniah kumjuh ruh ia ki nongleit nongwan ba shong kali” ong u President katei ka seng ki nongniah u Bah Tolentine Wahlang,haba ia kren bad ki nongthohkhubor.U Bah Wahlang u la iathuh ba mynshwa na ka liang jong ka seng ka la dep phah shithi ruh sha u Executive Engineer jong ka tnat PWD ha kaba ka la kyrpad jur ia ka Sorkar ba kan pynbha lem ia kane ka surok, hynrei kaba sngewsih ka long ba haduh kam shym la leh eiei satia.
Katei ka seng ki nongniah kali kamai ha Mawkyrwat ki la kyrpad ia ka tnad PWD ba kan leh eiei noh ban pynbha ia atei ka surok kumjuh ruh ka la kyrpad ruh ban maramot ia ka surok Photjaud War, Rangmaw, Sakwang, Marshillong, Mawranglang bad khamtam eh ia ka surok Jashiar-Larem-Mawthong bad ka surok na Mawthawpdah haduh Rangblang, kiba la sniew kata-katta haduh ba ki kali rit ki la shem shitom ban iaid ban ieng.