Sam khusnam ka SPNP

Shillong, 02 Nohprah:
Ka Synjuk Pyn-hiamlang Nongshken Pyllun (SPNP), ka Sengbhalang kaba trei na ka bynta ka bha ka miat jong ki paitbah ka thain Nongshken Pyllun, mynta ka sngi Thohdieng, ka la ioh ban pynlong ia ka prokram Sam Khusnam Ka Ba Saw, na ka bynta kito ki samla napoh ka shnong Nongshken Pyllun, kiba wan shakhmat ha ka eksam 2016 naduh ka kyrdan SSLC, HSSLC, Graduation bad Post- Graduate ha Khasi National Dorbah Hall Mawkhar, Shillong.
Ha kane ka prokram ka Seng ka ioh ban pynkup burom ia ki Samla kiba wan shakhmat kynthup ia u Samla David Iawram, uba la ioh ia ban khur kum u Gold Medalist na ka skul bah NEHU, ka Samla Gibeon Iawram iba la wan ha ka kyrdan ba-ar ha ka eksam Bachelor of Science na ka skul bah NEHU, lem bad ar ngut kiwei pat kiba la wan ha ka kyrdan banyngkong ha ka exam SSLC jong ka MBOSE.
La sam ia ka khusnam da i Bah Drawing Dkhar uba long ruh u Rangbah Shnong jong ka shnong Wahiingdoh, Shillong bad uba long uwei na ki riew paw khmat jong ka shnong.
Ha ka jingkren u Bah Dkhar u la ai ka jingkyrkhu kyrdoh bad ka jingpynshlur ia kine ki samla ba kin nang iaid shakhmat ha ka jingpule bad ba kin iai kynmaw ban ri la ka akor ka burom bad ruh ban kiar na kino kino ki jingmlien basniew. La pyniaid ia ka jingialang daUi Bah Langsterly Shullai, uba long u Vice President ka Seng.
Ka Prokram ka long ka ba iphuh iphieng ha ka jingiadon ryngkat ki sam pule ka Shnong Nongshken Pyllun kiba sah ha nongbah Shillong, ong ka kyrwoh na u Pulicity Secretary ka Seng Bah Kynpham D Samiam.