Ai jinghikai ka SURE ia ki SHG

Jowai, 1 Nohprah:
Palat shispah ngut ki nongialam jong na ki ar phew tylli ki kynhun iarap dalade ialade SHG kiba don hapoh ka Thadlaskein block jong ka West Jaintia hills district ki la ioh jinghikai ha kaba ia dei bad kumno ban buh jingkhein jingdiah kaba ryntih naka bynta ka jingiaid shakhmat ki kynhun jong ki. Ia kane ka jingai jinghikai, la pynlong mynta ka sngi ha ka kamra hall jong ka ophis jong ka Block Development Officer (BDO) ka Thadlaskein Block.
Ia kane ka jingai jinghikai la pynlong da ka Society for Urban and Rural Empowerment (SURE) na ka bynta ki kynhun ba kane ka seng kala iarap da ka jingkyrshan jong ka NABARD (National Bank for Agriculture and Rural Development) ka sorkar India. Ha kane ka training la ion iaka jinghikai ha ki artylli ki phang ka simple book keeping bad ka rukom buh ia ki cash book ia kaba la ai da u H.H. Mohrmen bad u B.S. Shylla. U H.H. Mohrmen ha ka jingkren jong u, ula kyntu ia ki nongialam jong ki kynhun ba kin long kiba thikna ban buh ningkhein kaba ryntih kana shai khnang ba ki kynhun kin lah ban iaid shaphrang bad kana jop. Na ki arphew tylli ki group shiphew tylli ki dei ki SHG kynthei bad shiphew pat ki dei kiba kynthuplang bad shynrang bad kynthei.