Maham kali kit skum ka KSU

Shillong, 30 Naiwieng:
Ka Khasi Students’ Union Mawlai Circle sa shisien pat kam lah khlem da pynpaw iaka jingkhia ha kaba iadei bad ki kali kit skum kiba iaid lyngba ka Shnong Mawlai naduh petrol pump ter ter haduh F.C.I bad kumjuh ruh ia kito ki kali kiba wan lyngba ka Surok V.I.P(Mawsiatkhnam – Mawtawar) ba kin sngewbha ban da tap tyrpar bha khnang ban lait naka jinghap pathar jong u skum kaba wanrah shibun ia ka jing jaboh bad kaba ktah ruh shibun ia ka jingkhuid jingsuba hapoh shnong hapoh thaw.
Na ka liang ka Seng ka la shem ruh na kajingbym tap tyrpar bad jingpynher stet jong ki kali kit skum ka lah ban wanrah ia shibun ki jingma bad jingmynsaw ia ki nongleit nongwan ba iaid lynti na ka daw jong ka jing khapngiah ki surok bad ka lah ruh ban buh ka jingma ia ki kali kiba khlem tap tyrpar lada don kino kino kiba thmu sniew bad shim kabu.
Ka Seng ka kyntu ia ki bor pulit jong ka Mawlai Police Station ba kin peit bad khmih lem ba kin ym don kino kino ki kali kit skum kiba iaid khlem da tap bha ia ki tyrpar khnang ba kan ym don kano kano ki jingjia ba sngewsih bad jingma ia ki nongleit nongwan.
Ka Seng ka maham tyngeh lada lap ia kino kino kiba leh pyrshah kin ngat ha ka jingshitom, ong ka kyrwoh ba la pynlait da U Samla Mac Donald Jitem, Publicity Secretary, KSU Mawlai Circle.