2 elekshon, ar tylli ki jait u kandidet ka seng Congress

Shillong, 29 Naiwieng:
Ka dei ka jingjia kaba kham pher ba u juh u briew u pyni ar tylli ki jait ha ki ar tylli ki elekshon, katei ka jia ha Rambrai-Jyrngam konstitwensi ha kaba u kandidet jong ka seng Congress u don ar tylli ki jait –kawei ka dei jait Marbaniang bad kawei pat dei ka jait Leong.
Ha ka elekshon MLA 2013 u kandidet ka seng Congress uba ia khun mynta ha ka elekshon MDC shiteng samoi na katei ka juh ka seng na Rambrai-Jyrngam konstitwensi u la ai kyrteng kum u Kimfa Sidney Marbaniang bad u la ioh 5756 vote –u la shah pynrem ha u bah K.P Pangniang uba ioh 7625 vote hynrei mynta ka elekshon shiteng samoi pat ka jait jong u ka la kylla bad mynta pat u ai Kimfa Sidney Leong, u la pyni ruh ba u dei u nongshong shnong jong ka shnong Nongkroh, P.O Nongstoiñ. Rambrai Syiemship, West Khasi Hills. Ha Rambrai Jyrngam mynta ki 5 ngut ki kyrtong u bah Morningstar Tympuin ka UDP, u World Champion ka HSPDP, u Kimfa Sidney Leong ka INC, u Denestar Pariong ka BJP.