Shillong, 29 Naiwieng:
Ka Jaintia Students’ Union (JSU) kum shi bynta ban buddien iaka jingpyntreikam ia ka Community College hapoh ka shnong Wahiajer ia kaba la tip baroh shi katta kum ka NEHU Compus, haka 25 tarik mynta u bnai kala ia kynduh ia u prof. H Lamin u ba long ruh kum u Pro VC ka Skulbah NEHU bad ha kajuh ka por u ba long ruh u Chairman jong ka Task Force Committee, ka Cmmittee ka ban peit bniah ia ka jingiaid beit kane ka Community college ha Wahiajer west Jaintia Hills.
Ha kane ka sngi ka JSU kala pynkup burom ruh ia u Pro. H. Lamin halor ka jingioh ka jongu ban bat iaka kyrdan Pro.VC hapoh kane ka skulbah kumba la katto katne por.
Ha ka jingia kren bad u Pro. VC ha kane ka sngi hapoh ka kamra treikam jong u ha kaba iadei bad ka Community College ha Wahiajer, na ka liang jongu u la kular ban shimkhia bha kumba la pynkit ha u iaka bor kum u Chairman ban peit na ka bynta ka jingiaidsted ki kam ha kaban tei ia kane ka College.
Phi don ban ong eiei?